Sunday, July 24, 2016

Any plant the goat bites, dies.


Uray ania a mula a kagaten ti kalding, matay.
Bannawag Magazine: Okeyka, Apong! (Dagiti Tawid a Sirib ken Adal)
Dr Abe V Rotor
Leo Carlo and his pet kid; a goat herd.

Any plant the goat bites, dies.

Amirisentayo dagitoy a kita ti dingo. No mangan, guyoden ken pagsisinaenna amin a makagatna. Kaykayatna pay dagiti apagtubo wenno nalulukneng a mulmula. Ngem no awan dagitoy, uray payen dagiti nataengan a bulong, sanga, ken ramut. Kanenda pay dagiti nagukisan dagiti prutas, wenno uray ukis ti dulse. Isu nga adda dagiti kalding a basta lattan agkakapsut sa matay, ta nakakaanda gayam iti plastik wenno makasabidong a banag.

Ngem daytoy man ipapatay ti mula a kinagat ti kalding ti amirisentayo. Apay ngata?

Idi ubing pay daydiay buridekmi a lalaki, inikkak iti pastorna a kalding. Baybay-an ‘toy ubingmi a nutnoten daydiay urbon a kalding dagiti ramayna. Natakuatak nga adda babassit a sugat iti ramay ti ubing.

“Saan a nasakit?” sinaludsodko.

Kuna daytoy ubing a kalpasan iti sumagmamano a gundaway sa mariknana a nasakit. Mamatiak a daydiay katay ti kalding, addaan iti anesthesia, a kuna dagiti apongtayo a “napudot”.
Saan ngata a daytoy ti mangpatay iti mula a makagat ti kalding? ~

No comments: